KONTRATAZIO ARLOKO AHOLKULARITZA
Enpresentzako
kontratazio arduratsua
DESGAITASUNA DUTEN PERTSONAK ENPRESETAN LANERATZEKO BIDE-LAGUNTZA INTEGRALA
Desgaitasuna duten pertsonak kontratatzeko interesa duten enpresa publiko zein pribatuentzako doako baliabideak eskaintzen ditugu. Lagundutako Enpleguaren arloko espezialista talde bat aritzen da horretan.
Aholkularitza
Desgaitasunari buruzko Lege Orokorrari (antzinako LISMI) eta desgaitasuna duten pertsonak kontratatzeko laguntzei buruzko informazioa ematen dugu.
Analisia
Desgaitasuna duten pertsonek lan egin dezaketen postuak identifikatzen ditugu eta lanpostu horien baldintzen analisia egiten dugu.
Hautaketa eta prestakuntza
Lanpostu bakoitzerako profil egokiena duen pertsona bilatu eta prestakuntza ematen diogu, bere lana behar den moduan egin ahal izateko.
Jarraipena
Kontratatutako pertsonarekin etengabeko harremana mantentzen dugu, behar dituzten babesak eskaintzeko.
Zertan datza lagundutako enpleguaren inguruko programa? |
Zertan datza lagundutako enpleguaren inguruko programa?Enpresei aholkularitza ematen dien doako zerbitzua da. Hautaketa prozesuaz, desgaitasuna duen pertsonaren prestakuntzaz eta jarraipen osoaz arduratzen da. |
Zein kasutan egon daiteke salbuespena? |
Zein kasutan egon daiteke salbuespena?Lan-eskaintza estaltzeko desgaitasuna duten enplegu-eskatzailea nahikorik ez dagoenean. Era berean, desgaitasuna duten pertsonak enpresa zehatz batean laneratzeko produkzio edo antolakuntza arrazoiak edo arrazoi ekonomikoak egon daitezke. |
Zeintzuk dira bestelako neurriak? |
Zeintzuk dira bestelako neurriak?Zuzeneko kontratazioaren bidez legea bete ezin duten enpresek, salbuespen ziurtagiria eskuratuta, bestelako neurri batzuen bidez bete dezakete Desgaitasunari buruzko Lege Orokorra. |
LAN EGIN LANTEGI BATUAK-EN
Azitain Marcaida Legarreta Etxebarria
Saltzaile eta Apal-hornitzailea
“Talde bat gara eta lana denon artean egiten dugu. Ordutegia ona da, lana entretenigarria da, eta egunero ditut egiteko desberdinak. Gauzak ondo egin nahi ditut; horrela, nire moduko beste pertsona batek ere izan dezake hemen lan egiteko aukera.”
Álvaro García Campuzano
Garbitzailea
“Garbiketa-enpresa batean lan egiten dut. Hipermerkatu bat garbitzen dugu. Gustuko dut lana. Positiboa iruditzen zait lan-prestatzaile bat edukitzea; izan ere, laneko aspektu guztietan ematen dit aholkua: lana bera, kideak, enpresa, eta abar.”
Araitz Echevarria Bilbao
Ordenantza – Funtzionarioa
“Bizkaiko Foru Aldundiak adimen-desgaitasuna duten pertsonentzako lehenengo oposaketa antolatu zuen, eta aurkeztea erabaki nuen. Ahalegin handia eginda eta Lantegi Batuak-en Akademia Egokituan praktikak egin ostean, lehena geratu nintzen. 2019ko otsailetik Ordenantza lana burutzen dut Aldundiaren Ogasun eta Finantza sailean. Nire lana atsegin dut, taldeko kide sentitzen naiz, eta oso pozik nago. Lantegi Batuak-en Lagundutako Enplegurako programak beti lagundu dit”.
ESKATU AHOLKUA, KONPROMISORIK GABE
DAGOENEKO PROBATU DUTEN ENPRESAK
BILBOKO UDALA
Andoni Bustinza
Atezaintza Zerbitzuko Arduraduna
“Garrantzitsua da Administrazioak desgaitasuna duten pertsonen laneratzea bideratzea. Gure kasuan, ikusi dugu pertsona batzuk, lan-prestatzailearen laguntzarekin, oso ondo egokitu direla lanpostura, eta gaitasun, prestasun eta jarrera paregabea erakutsi dute.”
DECATHLON BARAKALDO
Álvaro Fernández
Sail arduraduna
“Lan-taldea zenbat eta anitzagoa izan, orduan eta hobeto funtzionatzen du. Esperientzia oso positiboa izaten ari da; taldeak zein bezeroek asko eskertzen dute Decathlonen lan egiteko harrotasuna eta gogoa helaraztea.”
IZAR CUTTING TOOL
Carlos Pujana
ASLE Zuzendari Nagusia / Presidentea
“Esperientzia oso aberasgarria izan da denontzako; Josu Arza, formula honen bidez kontratatutako langilea 2011n sartu zen, bazkide langile moduan, IZAReko gainerako langileen baldintza berdinetan.”
CARRERAS MÚGICA
María y Carmen Navarro
Bazkide jabekideak
“Erraztasuna guztiak eman dizkigute. Prestakuntza eta lan-planak egiteko laneko prestatzailearen laguntza izatea oso erosoa izan da, bestela lan hori guk geuk egin beharko genukeelako. Eta, ezer behar dugunean, beregana jo dezakegula jakiteak ere asko erraztu digu prozesua.”
BIOLAN
Asier Albizu
Zuzendari Nagusia
“Enpresa jarduerak ez du berdintasun eta gizarteratzearen aldeko faktore soziala ahaztu behar. Prozesua oso erraza izan da, ez da ezer berezirik egin behar izan. Lan-taldea oso inplikatuta egon da eta hori oso garrantzitsua izan da.”